လိုဂို

ကျွန်ုပ်တို့၏အကြောင်း

ကချင်လူမှုကယ်ဆယ်ရေးနှင့်ဖွံ့ဖြိုးရေးကော်မတီ (Kachin Relief and Development Committee – KRDC) ကို ကချင်လူ့အဖွဲ့အစည်း ပြန်လည်ထူထောင်ရေးနှင့် ဖွံ့ဖြိုးတိုးတက်ရေးအတွက် ၁၉၉၄ ခုနှစ်တွင် တည်ထောင်ခဲ့သည်။ သို့သော် ၂၀၀၅ ခုနှစ်တွင် ကချင်လူမှုကယ်ဆယ်ရေးနှင့်ဖွံ့ဖြိုးရေးကော်မတီ (KRDC) သည် ပိုမိုစနစ်တကျဖွဲ့စည်းထားသော အဖွဲ့အစည်းဖြစ်လာပြီး မေတ္တာ ဖွံ့ဖြိုးရေးဖောင်ဒေးရှင်း (Metta Development Foundation)၊ ငြိမ်းဖောင်ဒေးရှင်း (Nyein (Shalom) Foundation)၊ Eco-Dev နှင့် NEHC စသည့် အခြားသော အစိုးရမဟုတ်သောအဖွဲ့အစည်းများ၊ အပြည်ပြည်ဆိုင်ရာ အစိုးရမဟုတ်သောအဖွဲ့အစည်းများ နှင့်အတူ စတင်လုပ်ကိုင်ခဲ့သည်။ ၂၀၁၁ ခုနှစ်တွင် ကချင်ပြည်နယ်၌ ပဋိပက္ခများ ပြန်လည်ဖြစ်ပွားပြီးနောက် ကချင်လူမှုကယ်ဆယ်ရေးနှင့်ဖွံ့ဖြိုးရေးကော်မတီ (KRDC) သည် ပဋိပက္ခသင့်ပြည်သူများ (အိုးအိမ်စွန့်ခွာတိမ်းရှောင်သူများ အပါအဝင်) ၏ အရေးပေါ်လိုအပ်ချက်များကို ဖြည့်ဆည်းပေးခဲ့သည်။ ယခုအချိန်တွင် ကချင်လူမှုကယ်ဆယ်ရေးနှင့်ဖွံ့ဖြိုးရေးကော်မတီ (KRDC) သည် အခြား အစိုးရမဟုတ်သောအဖွဲ့အစည်းများ၊ အပြည်ပြည်ဆိုင်ရာ အစိုးရမဟုတ်သောအဖွဲ့အစည်းများတို့ နှင့်အတူ လက်တွဲလုပ်ကိုင်ကာ ကချင်ပြည်နယ်ရှိ အိုးအိမ်စွန့်ခွာတိမ်းရှောင်သူများကို အမိုးအကာ၊ အစားအစာနှင့် အခြားအရေးပေါ်အကူအညီများ ပေးအပ်ကူညီလျက်ရှိသည်။ ကချင်လူမှုကယ်ဆယ်ရေးနှင့်ဖွံ့ဖြိုးရေးကော်မတီ (KRDC) သည် ကချင်လွတ်မြောက်ရေးအစည်းအရုံး (KIO) ထိန်းချုပ်နယ်မြေများအတွင်း ကြားဝင်ဆောင်ရွက်မှုများကို အောက်ပါခေါင်းစဉ်များဖြင့် လုပ်ဆောင်သည်။

• ပညာရေး – ကျောင်းသုံးပစ္စည်း အထောက်အပံ့၊ ကျောင်းဆောက်လုပ်ရေး
• ရေ၊ မိလ္လာနှင့် တစ်ကိုယ်ရေသန့်ရှင်းရေး (WASH) – အတော်အသင့်တာရှည်ခံသောရေအိမ် ဆောက်လုပ်ရေး၊ ရေပေးဝေရေး၊ ရေချိုးရန်နှင့်အဝတ်လျှော်ရန် နေရာ၊ တစ်ကိုယ်ရေသန့်ရှင်းရေးကိရိယာ အထောက်အပံ့ပစ္စည်းများ ထောက်ပံ့ပေးခြင်း။
• အမိုးအကာ – အမိုးအကာနှင့်မီးဖိုချောင် ဆောက်လုပ်ရေး
• အသက်မွေးဝမ်းကျောင်းမှု

ရေရှည်တည်တံ့ခိုင်မြဲသောငြိမ်းချမ်းရေးအစီအစဉ် (DPP) အောက်တွင် ကချင်လူမှုကယ်ဆယ်ရေးနှင့်ဖွံ့ဖြိုးရေးကော်မတီ (KRDC) သည် KIO ထိန်းချုပ်နယ်မြေရှိ အိမ်ထောင်စုများအတွက် အသက်မွေးဝမ်းကျောင်းလုပ်ငန်းအတွက် ပစ္စည်းနှင့်ငွေကြေး ထောက်ပံ့ပေးခြင်း အပါအဝင် အသက်မွေးဝမ်းကျောင်းမှုလုပ်ငန်းများကို အကောင်အထည်ဖော် ဆောင်ရွက်လျက်ရှိသည်။